lunes, 22 de diciembre de 2008

Faime riir, compañeru



Faime riir,compañeru.
Falame d'eses coses
que tanto me presten
Emplega'l to inxeniu como sabes
y fai otra vegada
que la murnia nun m'aprete nes coraes.
Que'l mieu
nun me faiga les nueches espantibles
Que la llercia
nun m'acorripie nos requexos
a cada pasu

Faime riir,
que cuele la to voz sele
nel mio oyíu.
La to voz, compañeru,
de besos,de penes y caleyes.
Apúrriame les manes,
arródiame nos brazos,
ya ves
que nun soi pa ser mayor
y que me asusten los trasgos
les bruxes y los diaños.


II


Ya sé que nun me perteneces,
que detrás d´esos güeyos
grandes y melgueros
escuéndese
un tarrén ensin llendes.
Furacos abismales,
llarga nueche de tormentes
detrás de los güellos,
amor míu.
Escuéndese, sordu y mudu,
un canciu de naide,
sueños,
llames que non aliten nel son
del mio llar.
Yo sélo,
qu´allá no más fondo
hai un ventanu qu´asoma a otru camín,
tapecíu
d´entrincaes pallabres
como fueyes de sonrisa
que cain entre l´orpín.
Yo sélo, amor,
anque a vegaes me fales d´otres coses
o me pieslles la boca con besos.

Mª Teresa González


3 comentarios:

  1. toy de acuerdu con ella ,ya sabes.....que seria de nosotros sin algunos momentos , de rises.....mal pensau ....

    ResponderEliminar
  2. Parezme precioso lo que diz y cómo lo diz. Un aciertu, Miner

    ResponderEliminar
  3. Faimi reiir....eso lo haces genial. Pero copiar las poesía bonitas también, que agradable suena tu "lengua" me presta sinceramente me presta.

    Recuerdo que en el año 80 visité Asturias y oí por primera vez decir guapo como adjetivo a cosas que habría dicho bonito, y me sonó especialmente atractivo ese adjetivo. Tu bable transmite ternura y eso llega al corazón, e siente.

    ResponderEliminar